Покштянь-покшавань озкс
Моление предкам (Покштянь-покшавань озкс)
Современная обрядовая молитва Подтверждено носителем
Erźań pokšt, pokštineť, Pokšťań pokšavineť! Sïrk merezë, pokštineť, Matraź-ojmaź kiśkinenk, Kepsť merezë, babineť, Raužo čovaľa modïnenk. Vana terdťadïź ozksov Kši-salonok varčamo, Pureń-bragań korštamo. Ašo keďsë paninek, Šožda meľsë pidinek. Načtïnk kośke turvinenk, Tańškavtïnk sëpej kurginenk, Peštink vačo pekinenk. Pokšťań pokštineť, Pokšťań pokšavineť, Tonačiń erićat, Videń-kičkereń sodïćat! Kiń lemezë kundavi, Kiń lemezë stuvtovi, Iľado kežijavto, iľado ordaškale, Sado, vese sado! Jutkozonok sovado, Vaksozonok arado. Iľazt ule ve jondo vanïćat, Iľazt ule seľmeń śavadïćat. Vese tïń sedejsënek, Vese tïń minek veŕsë. Miń tïnk ejstë lisinek, Miń tïnenk veľavttano. Sado, vese sado! Iľado pokordavo! Pačkodezë, molezë!
Эрзянь покшт, покштинеть, Покштянь покшавинеть! Сырк мерезэ, покштинеть, Матразь-оймазь киськиненк, Кепсть мерезэ, бабинеть, Раужо човаля модыненк. Вана тердтядызь озксов Кши-салонок варчамо, Пурень-брагань корштамо. Ашо кедьсэ панинек, Шожда мельсэ пидинек. Начтынк коське турвиненк, Таньшкавтынк сэпей кургиненк, Пештинк вачо пекиненк. Покштянь покштинеть, Покштянь покшавинеть, Тоначинь эрицят, Видень-кичкерень содыцят! Кинь лемезэ кундави, Кинь лемезэ стувтови, Илядо кежиявто, илядо ордашкале, Садо, весе садо! Юткозонок совадо, Ваксозонок арадо. Илязт уле ве ёндо ваныцят, Илязт уле сельмень сявадыцят. Весе тынь седейсэнек, Весе тынь минек верьсэ. Минь тынк эйстэ лисинек, Минь тыненк велявттано. Садо, весе садо! Илядо покордаво! Пачкодезэ, молезэ!
Русский перевод
Озава зовёт ушедших разделить моление:
«Эрзянские деды, дедушки, дедов праматери! Пусть шевельнётся, деды, ваша упокоенная плоть, пусть приподнимется, бабушки, ваша чёрная мелкая земелька. Вот зовём вас на моление — хлеба-соли нашей отведать, пуре и браги пригубить. Белыми руками испекли, с лёгкой душой сварили. Смочите сухие губы ваши, усладите горькие уста ваши, наполните голодные животы ваши. Дедов деды, дедов праматери, жители Тоначи, того света, знающие правду и кривду! Чьё имя вспомнится, чьё имя забудется — не гневайтесь, не обижайтесь: придите, все придите! Войдите в наш круг, встаньте рядом с нами. Пусть не будет глядящих со стороны, пусть не будет завистливых глаз. Все вы — в наших сердцах, все вы — в нашей крови. Мы из вас вышли, мы к вам вернёмся. Придите, все придите! Не будьте в обиде! Пусть дойдёт, пусть достигнет!»
Хорошо, если собравшиеся повторяют это моление за Озавой: так каждый созывает своих ушедших — и слова моления крепче ложатся на сердце.
О тексте
Источник: mariz_kemal_velen_ozks, с. «Велень озксонь молема лувось».
Язык заверил: авторский оригинал носителя.
Из чина «Велень озксонь молема лувось» Маризь Кемаль; название «Покштянь-покшавань озкс» — авторское. Русский перевод рабочий — уточняется.